Azərbaycan Respublikasının prezidenti İlham Əliyevin sərəncamı ilə Azərbaycan elminin inkişafında xidmətlərinə görə bir çox elm adamları Azərbaycan Respublikası Prezidentinin fəxri diplomu, “Şöhrət” ordeni, 3-cü dərəcəli “Əmək” ordeni və “Tərəqqi” medalı ilə təltif olunub.

Soydas.az xəbər verir ki, AMEA-nın Fəlsəfə və Sosiologiya İnstitutunun idrak nəzəriyyəsi şöbəsinin müdiri, fəlsəfə elmləri doktoru Füzuli Qurbanov "Tərəqqi" medalına layiq görülüb.

Xatırladaq ki, Füzuli Məhəmməd oğlu Qur­ba­nov 1959-cu ildə  Başkeçid (Dmanisi) ra­yo­nunun Az-Gəy­liyən kən­dində anadan olub.
1977-ci ildə Azər­bay­can Dövlət Univer­site­tinin (indiki BDU) me­xanika-riya­ziy­yat fa­kül­təsinə daxil olub. 1982-ci ildə universitetdə təhsilini başa vurub təyinatla Kəl­­­bəcər rayonunun Qaragüney kəndinə göndərilib və bu­rada 1985-ci ilədək orta məktəbdə müəllim işləyib.

Füzuli Qurbanov 1985-1986-cı illərdə SSRİ Fəlsəfə Cə­miy­yətinin Azərbaycan şöbəsində məsləhətçi vəzifəsində ça­lışıb.
O, 1986-cı ildə SSRİ Fəlsəfə İnstitutunun məqsədli əya­­ni as­pi­ranturasına daxil olub.
1990-cı ildə Moskvada “Özü­­­­nü təş­kil edən sistemlərin tədqiqi metodları. Fəlsəfi as­pekt” möv­­­zusun­da namizədlik dissertasiyası müdafiə edə­rək, fəl­səfə elm­ləri na­mizədi elmi adına layiq görülüb.
Qeyd edək ki, Füzuli Qur­banov siner­getikanın fəlsəfi me­­to­do­loji problem­ləri üzrə el­mi iş müdafiə edən ilk azər­­bay­canlı alimdir.

Füzuli Qurbanov 1990-1993-cü illərdə Azərbaycan EA-nın Fəlsəfə və Hüquq institutunda elmi işçi, 1993-1995-ci illərdə dosent əvəzi vəzifəsində çalışıb.
1995-ci ildə köçürmə yolu ilə Azərbaycan Res­pub­likası Mil­li Məclisi yanında humanitar tədqiqatlar və Proqnoz­laş­dırma Mərkəzinin birinci şöbəsinin müdiri vəzifəsinə tə­yin olunub. 1997-ci ildə həmin Mərkəz ləğv edildikdən son­ra o, ye­ni­dən Azər­baycan EA-nın Fəlsəfə və Hüquq ins­titu­tun­da do­sent kimi fəaliyyətə başlayıb və hazırda da bu­ra­da ça­lı­şır, İdrak nəzə­riy­yəsi və elmin fəslsəfəsi şöbəsinin mü­diridir.

“Sinergetikanın sosial sistemlərə tətbiqi imkanları” möv­­­zu­sunda yazdığı doktorluq dis­sertasiyasını da uğula mü­dafiə edə­rək fəlsəfə elmləri doktoru elmi adına la­yiq gö­rül­müş Fü­zuli Qurbanov bir sıra Beynəlxalq elmi konfransların işti­rak­çı­sı olub, elmi məruzələrlə çıxışlar edib. O, 4 monoqrafiyanın, 70-dən çox elmi məqalənin müəl­­lifidir. Müx­təlif elmi jurnallarda və qəzetlərdə on­larla elmi və ana­litik xa­rakterli məqalələri dərc olunub.

Füzuli Qurbanovun “Sinergetika: xaosun astanasında” (Bakı, Bakı Uni­ver­siteti, 2004, 360 səh.), “Elmə sinergetik ya­naş­ma” (Ba­­kı, Elm, 2005, 400 səh), “Avtopoyesiz və si­ner­getika: sosial tə­şəkkül metodları” (Bakı, Adiloğlu, 2007, 480 səh.), “Tarixin “postqərb” mərhələsinə keçid” (I cild. Risk­lər, proqnozlar və ssenarilər. Bakı, Təknur, 2009, 420 səh.) adlı mo­no­qrafi­ya­ları filosof alimlər tərəfindən yüksək qiymət­lən­dirilib.

Bundan başqa "Bir millət-iki dövlət: fəlsəfi- tarixi təhlil". 2020; Heydər Əliyev və yeni liderlik: fəlsəfi-elmi təhlil. 2023 və "AMEA inkişaf və yeniləşmə yollarında", 2025. Bundan başqa bir neçə monoqrafiyada həmmüəlliflik var. Məqalələrin say 200-ü keçib.

Eləcə də onun “Sosial qrupların di­na­mi­ka­sı” və “Si­ner­g­etikanın sosial sis­temlərə tətbiqi im­kan­ları” adlı proq­ramları çap olunub və BDU-da tədris olunur.

Soydas.az