Bu gün Türk millətçisi, memar və konstruktor, "Soydaş" İctimai Birliyi Ağsaqqallar Şurasının sədri, dosent Hüseyn Artıkoğlunun 75 illik yubileyidir.

Soydas.az xəbər verir ki, Hüseyn Artıkoğlu 1950-ci il oktyabrın 5-də Başkeçid rayonunun Qəmərli kəndində anadan olub. 1967-ci ildə Marneuli 1 saylı Azərbaycan orta məktəbini bitirib, həmin ildə Azərbaycan Politexnik İnstitutunun İnşaat fakültəsinə daxil olub. Həmin institutu 1973-cü ildə bitirərək, Sənaye və Mülki Tikinti ixtisası üzrə inşaatçı-mühəndis peşəsinə yiyələnib. 1971-1977-ci illərdə "Azdövlətlayihə" institutunda texnik, mühəndis, qrup rəhbəri və baş konstruktor vəzifələrində çalışıb.

1977-1980-ci illərdə Moskvada V.A.Kuçerenko adına İKMETİ-nin aspirantı olub. 1981-ci ildən texnika elmləri namizədidir. 1981-1984-cü illərdə Bakının layihə institutlarında çalışıb. 1984-cü ildən Azərbaycan Memarlıq və İnşaat Universitetinin "Dəmir-beton konstruksiyaları" kafedrasının dosentidir.

H.Artıkoğlu 1988-cu ildə xalq hərakatında fəal iştirak edib. 1988-ci ildən "Birlik" cəmiyyətinin təsis qrupunun üzvü, 22 yanvar 1990-cı ildən "Birlik" partiyasının sədri olub.

1988-ci ildən layihə və tikinti biznes fəaliyyəti ilə məşğuldur. "Kooplayihə-AHB" və "Milli Dirçəliş" firmalarının təsisçisidir. Üç yüzdən çox layihənin konstruktor kimi müəllifidir.

Soydas.az