2023-cü il dünyada 99 media işçisi öldürülüb. Jurnalistləri Müdafiə Komitəsi bildirib ki, onların dörddə üçündən çoxu İsrailin ötən il oktyabrın 7-də HƏMAS terror hücumuna cavab olaraq Qəzza zolağında keçirdiyi hərbi əməliyyat zamanı həlak olub.

Hesabatda deyilir ki, öldürülən jurnalistlərin sayı 2015-ci ildən bəri ən yüksək səviyyəyə yüksəlib ki, bu da 2022-ci ilə nisbətən 44 faiz çoxdur. Eyni zamanda, İsrailin Qəzza zolağında keçirdiyi əməliyyatın ilk üç ayında 77 jurnalist və digər media işçisi öldürülüb - insan haqları fəallarının hesablamalarına görə, bir ölkədə bir il ərzində heç vaxt olmadığı qədər çox. Onların sözlərinə görə, İsrailin hücumları nəticəsində 72 fələstinli, üç livanlı və iki israilli jurnalist həlak olub.

Ukraynadakı müharibə zamanı 2022-ci ildə 13, 2023-cü ildə isə 2 jurnalist öldürülüb. Müəlliflərinin fikrincə, bu, media işçiləri üçün təhlükəsizlik təlimlərinin təkmilləşdirilməsi, eləcə də müharibə zonalarında daha sərt akkreditasiya qaydaları ilə bağlı ola bilər. Eyni zamanda, dünyanın əksər ölkələrində qətlə yetirilən jurnalistlərin sayının azalması jurnalistikanın təhlükəsizləşdiyinin sübutu sayıla bilməz. 2023-cü il dekabrın 1-nə həbs olunan jurnalistlərin sayı 320 nəfər olub ki, bu da 2022-ci ilin görünməmiş səviyyəsinə yaxınlaşır.

Soydas.az