Rusiya sülhməramlılarını və texnikasını daşıyan 19 təyyarə Qazaxıstandan Çkalovski aerodromuna gəlib. Bu barədə jurnalistlərə Rusiya Müdafiə Nazirliyindən məlumat verilib.

"Rusiya Aerokosmik Qüvvələrinin 19 hərbi-nəqliyyat təyyarəsi KTMT-nin Kollektiv Sülhməramlı Qüvvələrinin Rusiya sülhməramlıları ilə birlikdə Qazaxıstandan Moskva yaxınlığındakı Çkalovski aerodromuna gəlib". 

Qeyd edək ki, yanvarın 2-də Qazaxıstanın bir sıra şəhərlərində etiraz aksiyaları keçirilib və bir neçə gün sonra iğtişaşlara və talanlara çevrilib. Onlar ölkənin bir çox şəhərlərində, ilk növbədə Alma-Atada polisə, hərbçilərə və hakimiyyət orqanlarına hücumlarla müşayiət olunub.

Qazaxıstan prezidenti Kasım-Jomart Tokayevin müraciətindən sonra KTMT ölkələri respublikaya sülhməramlılar göndərib. Hakimiyyət orqanlarının məlumatına görə, bütün bölgələrdə konstitusiya quruluşu bərpa olunub. (modern.az)

Soydas.az